बलात्कार मुद्दामा दोषी ठहर भएका राष्ट्रिय क्रिकेट टोलीका पूर्व कप्तान सन्दीप लामिछानेलाई आज सजाय सुनाइँदै छ।
जिल्ला अदालत, काठमाडौंका न्यायाधीश शिशिरराज ढकालको इजलासमा सजाय निर्धारणका लागि पेशी तोकिएको छ। न्यायाधीश ढकालकै इजलासले पुस १३ गते लामिछानेलाई दोषी ठहर गरेको थियो। जिल्ला अदालत काठमाडौंले महिलाको कमजोर पारिवारिक र नाजुक आर्थिक अवस्थाको फाइदा उठाउदै लामिछानेले बलात्कार गरेको ठहर गरेको छ। बलात्कार गरि बिदेशी भूमिमा क्रिकेट खेल्न गएका लामिछाने पीडितले प्रहरीमा उजुरी गरेको थाहा पाएपछि अमेरिका भागेका थिए तर प्रहरीले इन्टरपोल मार्फत घिसारेरै छोड्ने बुझेपछि उनि नेपाल फर्किएका थिए।