१ असार,काठमाडौं । अष्ट्रेलियामा रहेका प्रसिद्ध माइग्रेसन एजेन्ट निशान्त शर्मा अष्ट्रेलियाको न्यू साउथ वेल्सको सर्वोच्च अदालतमा अधिवक्ता बन्न सफल भएका छन् । professional visa and education service का सिईओसमेत रहेका शर्मा विगत ६ वर्षदेखिको निरन्तर प्रयत्न पछि यो सफलतामा पुग्न सफल भएका छन् ।
उनी यसअघि नै अष्ट्रेलियामा पटक–पटक सर्वोत्कृष्ट आप्रावासी एजेन्टको उपाधिबाट सम्मानित भैसकेका छन् । आफ्नो पेशा र व्यवसायमा उत्कृष्टता प्रदान गरेकै कारण उनी हजारौंको मन जित्न सफल भएका छन् ।
पत्रकारहरुसँग कुरा गर्दै उनले अब कानूनी क्षेत्रमा छुट्टै स्थान बनाउने प्रण गर्दै पाईला चाल्ने बताएका छन् । शर्माले यो सफलता आफ्नो मात्रै नभएर अष्ट्रेलियामा रहेका नेपाली समूदायको ठूलो खुशी र सफलता भएको प्रतिक्रिया दिएका छन् ।
शर्माको यो सफलताको खुशी साट्न प्रसिद्ध अधिवक्ता डा. शमशेर थापा शर्मासँगै अदालत पुगेका थिए । शर्माले डा.थापालाई अभिभावक र प्रेरणाको श्रोत मान्ने गर्छन् भने शर्मा नेपालका वरिष्ठ कलाकार लव शर्माका छोरा हुन् ।
