भृकुटी न्यूज: शनिवार साहित्यमा आजको कविता
कवि /साहित्यकार: कुन्ता शर्मा
कविता: हामी सहँदै जाउँला
संक्षिप्त परिचय:कुन्ता शर्मा नेपाली साहित्यकी एक सशक्त, प्रगतिवादी र सम्मानित कवयित्री तथा साहित्यकार हुनुहुन्छ। वि.सं. २००३ सालमा धरान, सुनसरीमा जन्मनुभएकी शर्माले साढे चार दशकभन्दा बढी समयदेखि निरन्तर रूपमा साहित्य सिर्जनामार्फत नेपाली भाषा र समाजको सेवा गर्दै आउनुभएको छ।
उहाँ विशेष गरी ओझिलो काव्यिक चेतना, सामाजिक विद्रोह, नारी चेतना र प्रगतिशील जीवनदृष्टिका लागि चिनिनुहुन्छ। उहाँका रचनाहरूमा समाजमा व्याप्त थिचोमिचो, असमानता र विकृतिप्रति तीखो व्यङ्ग्य तथा रूपान्तरणको स्पष्ट आह्वान पाइन्छ। सरल, स्पष्ट र प्रहारकारी शैली उहाँका कविताहरूको मुख्य विशेषता हो।‘मिल्केका पोकाहरू’ (कविता सङ्ग्रह)
‘मेरो मान्छे’ (कविता सङ्ग्रह) ‘कुन्ता शर्माका कविताहरू’ (प्रतिनिधि कविता सङ्ग्रह) आदि उहाँका प्रमुख कृतिहरू रहेका छन् ।
नेपाली साहित्यमा पुर्याउनुभएको विशिष्ट योगदानको कदरस्वरूप उहाँ अनेकौँ राष्ट्रिय सम्मान तथा पुरस्कारबाट विभूषित हुनुभएको छ। उहाँ केवल एक साहित्यकार मात्र नभई सामाजिक–राजनीतिक परिवर्तनका अभियानहरूमा समेत सक्रिय रहँदै आउनुभएको एक जननिर्वाचित जनप्रतिनिधि समेत भइसक्नुभएको व्यक्तित्व हुनुहुन्छ। उहाँका सिर्जनाहरूले नेपाली काव्य क्षेत्रमा नारीवादी तथा प्रगतिवादी धारलाई सशक्त बनाउन महत्त्वपूर्ण भूमिका खेलेका छन्। नेपाली साहित्यको इतिहासमा उहाँको योगदान उच्च र स्मरणीय रहेको छ । यस्तो मुर्धन्य स्रष्टा कुन्ता शर्माको उच्च सम्मान सहित “भृकुटी न्यूज: शनिबार सहित्यमा आजको कविता” श्रृङ्खलामा प्रस्तुत गरेका छौं। उहाँको सुस्वास्थ्य एवं दीर्घ जीवनको कामना गर्दछौं।
भृकुटी न्यूज
साहित्य कला विभाग
काठमाडौँ ।