भृकुटी न्यूज: शनिबार साहित्यमा आजको कविता 

कवि/ साहित्यकार: विमल निभा

कविता: ‘कविता र फोहोर लुगाहरू’

संक्षिप्त परिचय:  वि.सं. २००९ (सन् १९५२) मा जन्मनुभएका विमल निभा नेपाली साहित्य, प्रगतिशील पत्रकारिता र तीक्ष्ण व्यङ्ग्य लेखनका एक अग्रणी एवं विशिष्ट नक्षत्र हुनुहुन्छ । वि.सं. २०३० को दशकदेखि निरन्तर रूपमा साहित्य र पत्रकारिताको साधनामा लीन निभा मूलतः जनपक्षीय काव्य चेतना, सामाजिक-राजनीतिक विकृतिप्रतिको निर्मम प्रहार र सशक्त गद्य शैलीका लागि नेपाली वाङ्मयमा सुपरिचित हुनुहुन्छ ।

उहाँको कलम समाजमा व्याप्त विसंगति, राजनीतिक भ्रष्टाचार र सत्ताको निरङ्कुश प्रवृत्तिका विरुद्ध सदैव एउटा सशक्त विद्रोह बनेर गर्जिएको छ । उहाँका रचनाहरू केवल शब्दका संयोजन मात्र होइनन ती समाजलाई सचेत र जागृत बनाउने वैचारिक दियोको रूपमा स्थापित छन् ।

निभाका कविताहरू सरल, चोटिला र अत्यन्त प्रभावकारी हुन्छन्। मानवीय संवेदनशीलता र क्रान्तिकारी चेतनाको सन्तुलन पाइने उहाँका कविताहरू नेपाली प्रगतिशील काव्य क्षेत्रका अमूल्य निधि मानिन्छन् । उहाँ नेपालका शीर्षस्थ व्यङ्ग्यकार पनि हुनुहुन्छ । पत्रपत्रिकाहरूमा प्रकाशित उहाँका व्यङ्ग्यात्मक स्तम्भहरूले सत्ता र शक्तिको दम्भलाई व्यङ्ग्यको तिखो बाणले प्रहार गर्दै व्यापक लोकप्रियता हासिल गरेका छन् ।

एक निष्पक्ष सम्पादक र स्तम्भकारका रूपमा उहाँले नेपाली पत्रकारितामा निर्भीक, लोकतान्त्रिक र जनपक्षीय आवाजलाई निरन्तरता दिँदै आउनुभएको छ। उहाँका

कविता/व्यङ्ग्य सङ्ग्रह: अग्निरेखा, भँगेरो, जोकरको बन्दुक निबन्ध/गद्य रचना: डेकको काठ, आमाको नीलो साडी आदि प्रमुख प्रकाशित कृतिहरू हुन् । विमल निभाको लेखनको मुख्य शक्ति नै भाषाको सरलता र विचारको सुस्पष्टता हो । निरङ्कुशता विरोधी आन्दोलनदेखि प्रजातान्त्रिक तथा लोकतान्त्रिक क्रान्तिहरूसम्म आफ्नो धारिलो कलममार्फत जनताको पक्षमा अविरल उभिनुभएका निभा नेपाली साहित्यका एक क्रान्तिकारी र आदरणीय व्यक्तित्व हुनुहुन्छ। यस्तो मुर्धन्य अग्रज स्रष्टा बिमल निभाको उच्च सम्मान सहित “भृकुटी न्यूज: शनिबार सहित्यमा आजको कविता” श्रृङ्खलामा प्रस्तुत गरेका छौं। उहाँको सुस्वास्थ्य एवं दीर्घ जीवनको कामना गर्दछौं।

भृकुटी न्यूज

साहित्य कला विभाग

काठमाडौँ।