भृकुटी न्यूज: शनिवार साहित्यमा स्रष्टाको तस्बिर
तस्बिर: साहित्यकार सीता पाण्डे

संक्षिप्त परिचय :
नेपाली साहित्य जगतमा सीता पाण्डे एक सशक्त र सम्मानित नाम हो। साहित्यका विभिन्न विधामा कलम चलाउँदै आउनुभएकी उहाँ मुख्यतः उपन्यास, कथा, कविता तथा निबन्ध लेखनका माध्यमबाट समाजको यथार्थ, मानवीय संवेदना र समसामयिक चेतनालाई उजागर गर्न सफल स्रष्टा हुनुहुन्छ।
पारिवारिक एवम् सांस्कृतिक वातावरणमा हुर्कनुभएकी सीता पाण्डेको सानै उमेरदेखि साहित्यप्रति गहिरो अभिरुचि रहेको पाइन्छ। औपचारिक शिक्षा हासिल गर्ने क्रमसँगै उहाँले आफ्नो लेखनयात्रालाई पनि निरन्तरता दिनुभयो। उहाँको प्रारम्भिक जीवनका अनुभव र सामाजिक परिवेश नै उहाँका रचनाका प्रमुख प्रेरणास्रोत बने।
उहाँको लेखनमा यौन मनोविज्ञान ,नारी चेतना, सामाजिक समानता, नैतिक मूल्य-मान्यता र आञ्चलिक जीवन्तताको सुन्दर सङ्गम पाइन्छ।
उपन्यास, निबन्ध र कविता विधामा कलम चलाउने उहाँको
लेखन शैलीमा सरल, सरस र सम्प्रेष्य भाषा शैलीको मौलिक विशेषता पाइन्छ । उहाँका रचनाले पाठकको मन छुने र गम्भीर सामाजिक सन्देश प्रवाह गर्ने गर्दछन् । उहाँका असजिला खुसीहरू (कथा तथा कवितासङ्ग्रह) , बन्धकी खुसीहरू (कथासङ्ग्रह) ,सीता पाण्डेका कथाहरू (कथासङ्ग्रह),यौन र अनुभूति (शृङ्खलाहीन विचारहरू),अन्तर्द्वन्द्व (लघु उपन्यास)
रङ्गीन जामा (शृङ्खलाहीन विचारहरू) ,टुकुनी, खुसी र भ (कवितासङ्ग्रह- तपाईंको हातमा),फिभर (विभिन्न अनुवादकहरू) साइलेन्ट भ्वाइस (डा. तारानाथ शर्माद्वारा अनुदित गद्य), अवतार विघटन (संयुक्त उपन्यास),खेलकुद ज्ञानमञ्च जस्ता दर्जनौं कृति प्रकाशित रहेका छन् ।

नेपाली भाषा र साहित्यको श्रीवृद्धिमा पुर्‍याउनुभएको अतुलनीय योगदानको कदरस्वरूप उहाँ विभिन्न साहित्यिक सङ्घ-संस्थाहरूबाट सम्मानित तथा पुरस्कृत हुनुभएको छ।
साहित्यकार सीता पाण्डे नेपाली साहित्य क्षेत्रकी एक समर्पित र उर्जाशील साधक हुनुहुन्छ। उहाँका सिर्जनाहरूले नेपाली साहित्यको भण्डारलाई धनी बनाउनुका साथै नयाँ पुस्ताका लेखकहरूका लागि समेत प्रेरणा प्रदान गरेका छन् ।
अग्रज एवं यस्तो मुर्धन्य स्रष्टा सीता पाण्डेको उच्च सम्मान गर्दै “भृकुटी न्यूज: शनिवार साहित्यमा स्रष्टाको तस्बिर”
श्रृङ्खलामा  उहाँको  यो तस्बिर  प्रकाशित गरेका छौं । आदरणीय साहित्यकार सीता पाण्डेको सुस्वास्थ्य एवं दीर्घ जीवनको कामना गर्दछौं।
भृकुटी न्यूज
साहित्य कला विभाग
काठमाडौँ।