भृकुटी न्यूज: शनिबार साहित्यमा आजको पुस्तक
पुस्तक: हराएको चिना
विधा: कविता
लेखक/कवि: युयुत्सु शर्मा
प्रकाशक: निराला पब्लिकेशन्स
तेस्रो तल्ला, ३१०, हरि सदन, दरियागञ्ज, नयाँ दिल्ली-११०००२
पहिलो संस्करण: २०२५
ISBN: 978-81-986271-4-8
प्रतिलिपि अधिकार ©: युयुत्सु शर्मा
अनुवादक: क्यामिल ब्लुमफिल्ड
आवरण तस्बिर: जुली विलियम्स कृष्णन
आवरण डिजाइन: तरुण सक्सेना
संक्षिप्त परिचय:
युयुत्सु शर्मा विश्वका ती थोरै कविहरूमध्ये एक हुनुहुन्छ जसले कवितामै आफ्नो जीविन समर्पण गर्नुभएको छ ।
‘द गार्डियन’ ले “विश्वविख्यात हिमाली कवि”, ‘द काठमाडौँ पोस्ट’ ले “वान-म्यान एकेडेमी” (एकल प्रज्ञा-प्रतिष्ठान), र माइकल ग्रेभ्स (‘ब्रान्ड कल्ड यु’) ले “हिमाली नेरुदा” भनेर सम्बोधन गर्नुभएका, पञ्जाबमा जन्मनुभएका भारतीय कवि युयुत्सु अन्तर्राष्ट्रिय कविता मञ्चका एक गतिशील व्यक्तित्व हुनुहुन्छ।
उहाँले रकफेलर फाउन्डेसन, आयरल्यान्ड लिटरेचर एक्सचेन्ज, ट्रुबार फाउन्डेसन (स्लोभेनिया), द इन्स्टिच्युट फर द ट्रान्सलेसन अफ हिब्रू लिटरेचर, र द फाउन्डेसन फर द प्रोडक्सन एन्ड ट्रान्सलेसन अफ डच लिटरेचरबाट फेलोसिप तथा अनुदान प्राप्त गर्नुभएको छ।
एघार वटा कविता सङ्ग्रहका लेखक शर्माको नयाँ कविता सङ्ग्रह ‘इन गड्स मेसी वर्कप्लेस: न्यु पोयम्स’ (In God’s Messy Workplace: New Poems) सन् २०२६ मा प्रकाशित हुँदैछ। युयुत्सुले हाइडेलबर्ग विश्वविद्यालय, ओटावा विश्वविद्यालय, क्विन्स युनिभर्सिटी बेलफास्ट स्थित सेमस हिनी सेन्टर, आइरिस राइटर्स सेन्टर (डब्लिन), रुबिन म्युजियम (न्युयोर्क), बेइजिङ नर्मल युनिभर्सिटी, न्युयोर्क युनिभर्सिटी, र कोलम्बिया युनिभर्सिटी जस्ता प्रतिष्ठित संस्थाहरूमा आफ्ना कृतिहरू प्रस्तुत गर्नुका साथै सिर्जनात्मक लेखन तथा अनुवाद कार्यशालाहरूको नेतृत्व गरिसक्नुभएको छ।
उहाँले सन् २०१२ को लन्डन ओलम्पिकका क्रममा आयोजित ‘पोयट्री पारनासस महोत्सव’ मा नेपाल र भारतको प्रतिनिधित्व गर्नुभएको थियो। सन् २०२० मा, रोयल क्यु गार्डेन्सको “ट्राभल द वर्ल्ड एट क्यु” प्रदर्शनीमा उहाँका कृतिहरू प्रदर्शित गरिएका थिए।
उहाँ उत्तर अमेरिका र युरोपमा हुने अन्तर्राष्ट्रिय वाचन तथा कार्यशालाहरू र हिमालय क्षेत्रको एकान्त पदयात्राका बिच आफ्नो समय बिताउनुहुन्छ।
हाल, उहाँ हिमाली साहित्य महोत्सव (Himalayan Literature Festival) र लेखक कार्यशालाको संयोजन/व्यवस्थापन गर्नुहुन्छ, साथै ‘प्रतीक: ए क्वार्टरली म्यागजिन अफ कन्टेम्पोररी राइटिङ’ (समकालीन लेखनको त्रैमासिक पत्रिका) को सम्पादन गर्नुहुन्छ। यस्ता मुर्धन्य स्रष्टा शर्माको उच्च सम्मान गर्दै “भृकुटी न्यूज: शनिबार साहित्यमा आजको पुस्तक” श्रृङ्खलामा ‘हराएको चिना’ प्रस्तुत गरेका छौं। उहाँको सुस्वास्थ्य एवं दीर्घ जीवनको कामना गर्दछौं ।
भृकुटी न्यूज
साहित्य कला विभाग
काठमाडौँ
थप जानकारीका लागि: www.yuyutsusharma.com