३० फागुन,अर्घाखाँची,अर्घाखाँचीका महिला कृषकले आफ्नो र आफ्नो गाउँको भाग्यनै बदल्दिएका छन् । अन्तर्राष्ट्रिय बजारमा कफीको माग बढेपछि कफी खेतीमा आकर्षित भएका शितगंगा नगरपालिका – ३ खसर्काका महिलाहरु जनजागृती महलिा कफी कृषक समूह बनाएर व्यवसायीक कफी खेतीमा लागेपछि समग्र गाउँकै भाग्य बद्लिएको छ ।
कफी खेतीबाट पर्याप्त आम्दानी हुने गरेको कफी महिला समूहकी अध्यक्ष मीना भुसालले बताइन्। ‘खसर्का गाउँमा मात्रै ८० रोपनीभन्दा बढी क्षेत्रफलमा कफी रहेको र यसलाई बढाएर एक सय ५० रोपनीमा पुर्याउन समूहका महिलाहरु लागि परेका छन्।’ अर्घाखाँचीका महिलाले गरेको यो भाग्यबदल्ने हिम्मतकै कारण अव अर्घाखाँचीको खसर्काले मात्रै वार्षिक २० क्वीन्टल पार्चमेन्ट कफी विदेश निर्यात गर्ने भएको छ ।
