१३ फागुन, काठमाडौं । भोलि देशभर महाशिवरात्रि मेला लाग्दैछ । काठमाडौंको पशुपतिनाथमा प्रत्येक वर्ष शिवरात्रिमा विशेष मेला लाग्ने गर्छ । मेलाको पूर्वसन्ध्यामा भक्तजनहरूको व्यापक उपस्थिति देखिएको छ भने देश विदेशबाट आएका भक्तजन र पाहुनाहरूले पशुपति क्षेत्र खचाखच भरिएको छ।
साधुसन्त महन्तहरुको आगमन भइसकेको र शिवरात्रिका लागि आउने भक्तजनहरूका लागि सहज रुपमा दर्शन गर्नसक्ने व्यवस्था मिलाइएको छ भने आज राति २ बजेबाट नै पशुपतिनाथको दर्शनका निम्ति ढोका खुल्ला गरिने पशुपति विकास कोषका सदस्य सचिव डा. मिलन कुमार थापाले जानकारी दिनुभएको छ।
