काठमाडौँ —सत्तारूढ कांग्रेसका उपसभापति तथा सांसद धनराज गुरुङमाथि सहकारीको रकम दुरुपयोग गरेको आरोप लागेको छ । धनराजकी श्रीमती ज्योति गुरुङ ललितपुरको मितेरी सहकारीको महाप्रबन्धक रहेका बेला रकम हिनामिना गरेको आरोपमा नेपाल प्रहरीको केन्द्रीय अनुसन्धान ब्युरो (सीआईबी) मा उजुरी परेको छ भने संसद्मा समेत प्रश्न उठेको छ ।
ज्योतिले १४ करोड ८१ लाख रकम दुरुपयोग गरेको र त्यसमा धनराजको पनि संलग्नता रहेको बलियो प्रमाण सहित प्रहरीमा उजुरी गरेको सहकारीका अध्यक्ष कुम्भराज गुरुङले बताए । फरार ज्योतिलाई पक्राउ गर्न रेडकर्नर नोटिस जारी हुनुपर्ने माग गर्दै नेपाल ल्याएर उनको सम्पत्ति बेचेर भए पनि सहकारीका बचतकर्ताको रकम फिर्ता गर्ने वातावरण बनाइदिन माग गरिएको छ।
धनराज र ज्योति मिलेर रकम हिनामिना भएको चाल पाएपछि सहकारीका बोर्ड सदस्य मिलेर दुवैसँग छलफल गरी कागज गराएको प्रमाण सहकारीसँग रहेको अध्यक्ष कुम्भराजको भनाइ छ । तर ठग गुरुङ भने श्रीमतीसँग नक्कली डिभोर्स गरेर आफूलाईश्रीमतीले गरेको उक्त ठगीबारे कुनै थाहा नभएको बयान दिँदै आएका छन्र तर ठगीमा श्रीमान श्रीमती संलग्न रहेको प्रमाण सहकारीका पदाधिकारीले सीआईबीमा पठाएई सकेका छन्।