बैशाख २५, ताप्लेजुङ। पूर्व मन्त्री एबं प्रजातान्त्रिक योद्धा सुर्यमान गुरुङको ८४ वर्षको उमेरमा मंगलवार निधन भएको छ । काठमाण्डौंको कमल पोखरी स्थित हिमाल अस्पतालमा उपचारको क्रममा मंगलवार दिउँसो निधन भएको नेपाली काग्रेसका युवा नेता पदम पालुङ्वाले जानकारी दिए । १८ महिनादेखि ओछ्यान परेका उनी वाथ र सुगरका बिरामी थिए ।
बिक्रम सम्वत १९९७ सालमा जन्मिएका गुरुङले २०१८ सालमा काँग्रेस सशस्त्र विद्रोहमा ताप्लेजुङ र पाँचथरको नेतृत्व गरेका थिए । २०१८ साल चैत्र १७ गते सदरमुकाम ताप्लेजुङ कब्जागरी कारागारका कैदीबन्दी भगाइदिएका थिए । प्रजातन्त्रका निम्ति लडेका लडाकु क्रान्तिकारी नेता गुरुङले क्रान्तिका दौरानमा निर्वासित जीवन समेत बिताउनु परेको थियो।
