तस्बिर: राजन रावल
हुम्ला, असार २६ भृकुटी न्यूज । जिल्लाको उत्तरी नाम्खा गाउँपालिका–६ को हिमालपारीको गाउँ लिमीको लाप्चा क्षेत्रको पाटनमा बन घोडा बथान देखिएको छ । लिमीबाट लाप्चा जानेक्रममा टाक्चीबाट माथि चढ्ने बित्तिक्कै जताततै बन घोडाको बथान फेलापरेको हो।
लाप्चाबाट मानसरोर कैशालको दुरदर्शन गर्न जाने क्रममा ताक्चीबाट पुल्की लाग्ना हुँदै लाप्चासम्म पुग्दा जताततै बन घोडाको बथान देखिएको लाच्पा यात्रा गर्नु भएका जनक रोकायाले बताउनुभयो ।
हाल ६३ वर्षीय रोकायाले पहिले यसरी ती पाटनमा बन घोडाको बथान नदेखिने तर हाल धेरै देखिने गरेको बताउनुभयो । लाप्चा जानेक्रममा ताक्चीको उकालो लागेपछि मानसरोवर कैलाशको दुरदर्शन गर्ने क्षेत्र लाप्चासम्म कम्ती पचासदेखि साठी वटा बन घोडाको बथान देखिएको उहाँको भनाई छ ।