भृकुटी न्यूज: शनिबार साहित्यमा आजको कविता। कवि: जीविका ‘अश्रु’

कविता: भुइँको यथार्थ 

संक्षिप्त परिचय:नेपाली साहित्यको श्रीवृद्धिमा निरन्तर क्रियाशील र समर्पित नाम हो– जीविका ‘अश्रु’। वि.सं. २०३२ साल चैत १२ गते पिता मीन प्रसाद खतिवडा र माता अम्बिका पोखरेलको कोखबाट मोरङको साविक जाँते–३, बेल्टार (हाल मिक्लाजुङ–५) मा उहाँको जन्म भएको हो। मोरङकै जाँते माध्यमिक विद्यालयबाट प्रारम्भिक शिक्षा ग्रहण गर्नुभएको खतिवडा हाल पति प्रकाश कार्कीका साथ सिच्छे बस्ती, गान्तोक, पूर्व सिक्किमलाई आफ्नो कर्मथलो बनाउँदै आउनु भएको छ ।
वि.सं. २०५३ साल साउन महिनामा विराटनगरबाट प्रकाशित हुने ‘अनुसन्धान साप्ताहिक’ मा आफ्नो पहिलो रचना सार्वजनिक गर्दै  साहित्यिक यात्राको औपचारिक प्रवेश गर्नुभएकी  अश्रु ले  झन्डै तीन दशक लामो यस यात्रामा  नेपाली साहित्यलाई गहकिला कृतिहरू उपहार दिइसक्नु भएको छ । उहाँका
‘अक्षर प्रेम’ (गजलसङ्ग्रह, वि.सं. २०७३)
‘भोकको भाइरस’ (कवितासङ्ग्रह वि.सं. २०७८)
‘आकाश मेरो पनि’ (गजलसङ्ग्रह,वि.सं. २०७९) प्रकाशित छन् ।
उहाँले ‘सिक्किमेली नेपाली गजल सङ्ग्रह’ र ‘वीणाश्री खरेल स्मृति ग्रन्थ’ को सम्पादन समेत गर्नु भएको छ ।
साहित्यिक सङ्गठन र संस्थागत विकासमा पनि उहाँको योगदान अतुलनीय छ। उहाँ सिक्किम गजल मञ्चकी संस्थापक अध्यक्ष हुनुहुन्छ भने नेपाली साहित्य परिषद् सिक्किम लगायतका प्रतिष्ठित संस्थाहरूमा सक्रिय रूपमा आबद्ध हुनुहुन्छ । भाषा र साहित्यको उत्थानमा पुर्‍याएको विशिष्ट योगदानको कदरस्वरूप उनले हालसम्म एक दर्जनभन्दा बढी सम्मान तथा पुरस्कारहरू प्राप्त गरिसक्नुभएको छ।
विगत लामो समयदेखि सीमापारि बसेर पनि नेपाली भाषा, कविता र विशेषगरी गजल विधाको संरक्षण र संवर्द्धनमा जीविका ‘अश्रु’ को नाम आदरका साथ लिइने गरिन्छ। उहाँप्रति उच्च सम्मान गर्दै “भृकुटी न्यूज: शनिबार साहित्यमा आजको कविता ” श्रृङ्खलाको नारी हस्ताक्षरको रुपमा उहाँलाई प्रस्तुत गरेका छौं । स्रष्टा जीविका अश्रुको सुस्वास्थ्य एवं दीर्घ जीवनको कामना सहित हार्दिक शुभकामना व्यक्त गर्दछौं ।

भृकुटी न्युज

साहित्य कला विभाग
काठमाडौँ ।