सहकारी ठगीमा फरार देवकुमार नेपाली भारतमा पक्राउ

११ असोज, काठमाडौँ।२ अर्ब भन्दा बढी रकम ठगी गरेर फरार रहेका बागलुङको इमेज सहकारीका संस्थापक अध्यक्ष तथा  ढोरपाटन नगरपालिकाका मेयर देवकुमार नेपाली पक्राउ परेका छन् । प्रहरीको केन्द्रीय अनुसन्धान ब्युरो (सीआईबी) ले भारतीय प्रहरीको सहयोगमा उनलाई पक्राउ गरेको बुझिएको छ ।

बचतकर्ताको २ अर्बभन्दा बढी रकम ठगी गरेको आरोप लागेका नेपाली २०८० जेठमा अनुसन्धान सुरू भएपछि फरार भएका थिए । गत माघमा इन्टरपोलले उनीविरुद्ध रेडकर्नर नोटिस जारी गरेको थियो ।उनलाई भारतबाट नेपाल ल्याउने तयारी भइरहेको छ ।