२१ मंसिर, काठमाडौं । निलम्बित प्रधानन्यायाधीश चोलेन्द शमशेर जबराले ‘महाअभियोग निष्प्रभावी भएको जानकारी गराई पाउँ’ भनी मंगलबार संघीय संसद सचिवालयमा निवेदन दिए । त्यसको न्यायपूर्ण सुनुवाइ गर्दै संघीय संसद सचिवालयका महासचिव भरतराज गौतमले प्रधान न्यायाधीश चोलेन्द्र शमशेर राणामाथि लगाइएको असंवैधानिक निलम्बन फुकुवा गरिदिए पछि सामाजिक सञ्जालबाट विश्वभर रहेका नेपालीहरुले गौतमलाई बधाई तथा धन्यवाद ज्ञापन गरेका छन् । राजनीतिक आग्रह पुर्वाग्रहका कारण न्यायलयलाई बद्नाम गरेको भन्दै राजनीतिक पार्टी ,बारका वकिल र पदाधिकारीहरुको व्यापक आलोचना भइरहेको छ ।
गौतमको उक्त कदमले ‘प्रधानन्यायाधीशको रुपमा कार्यसम्पादन गर्न नपाउने भनी १ फागुन २०७८ मा काटेको पत्र निष्प्रभावी भयो ।’ र चोलेन्द्र सर्वोच्च फर्किने बाटो खुल्ला भएको छ ।
गौतमले जबरासँगै राष्ट्रपति कार्यालय, प्रधानमन्त्री कार्यालय, सर्वोच्च अदालत र न्याय परिषद्मा पठाएको पत्रमा महाअभियोग सिफारिस समितिले प्रतिवेदन बुझाएपनि प्रक्रिया अघि नबढेको र नयाँ प्रतिनिधिसभाको निर्वाचन भइसेकाले ‘निलम्बन’को पत्र निष्प्रभावी भएको उल्लेख छ ।
संघीय संसदका महासचिव गौतमले जबरालाई काम कारबाही गर्न रोक लगाउने पत्र निष्प्रभावी भएको निर्णय गर्नुको स्पष्ट दुई कारण दिए पछि अहिले सबैको धोती खुस्किएको छ ।
(१)प्रतिनिधिसभामा महाअभियोग पेश भएको तर, निर्णय नगरेको ।
(२)एउटा प्रतिनिधिसभाको विजनेस अर्को प्रतिनिधिसभामा जाने संवैधानिक र कानुनी आधार नरहेको । उल्लेख छ।
यसरी पत्र प्राप्त भए लगत्तै चोलेन्द्रले सर्वोच्च जाने तयारी थालेका छन् भने उनलाई सर्वोच्चमा पाइलै टेक्न नदिने भन्दै बारका प्रतिनिधिहरुले गेटमै अवरोध गर्दै आएका छन् ।